ارحل بفكري معك والعشق عنواني

يارأس مالي وياربحي وخسراني=يامشقي الوصف من وصفه ملامحها
ياكيف بنساك يوم الناس تنساني=بان الوله من عيون الشوق فاضحها
مهما منحتك غلا بعطاي نقصاني=لو سرت حافي قدم وانهار سابحها
ارحل بفكري معك والعشق عنواني=واحلام ليلي تباري طيف ذابحها
اخاف وقتي يبدد فرحة اشجاني=واخاصم ايام عمري’ كيف اسامحها؟
ياويل قلبي اذا قفى ولاجاني=وياكبر حظي بها لو كنت رابحها
في صفحة العشق كنتي ريشة الواني=نقشت صورتك واتبسم وامازحها
وشلون اطيع الزمن والقلب يعصاني=تسري هجوسي معك والبعد جارحها
اشيل همك وهمي حيل اضناني=ومركب الود تصفق به جوانحها
يامكسبي ناظري في دفتر احزاني=تلقين نبض الحروف اشواق مانحها

ممــا قــرأت وممــا راق لــي

ولكم اجمل تحيااااتي

سيف الشمال

في صفحة العشق كنتي ريشة الواني
نقشت صورتك واتبسـم وامازحهـا
وشلون اطيع الزمن والقلب يعصاني
تسري هجوسي معك والبعد جارحها
اشيل همك وهمـي حيـل اضنانـي
ومركب الود تصفق بـه جوانحهـا
يامكسبي ناظري في دفتر احزانـي
تلقين نبض الحروف اشواق مانحها
أخي الغالي:
سيف الشمال


كلماتك مدادها حزن

نبعت من احساس صادق

قلمك ماسي سطر حروفا رائعه

كلماتك تعزف على اوتار الاحساس لحن جميل نحلم به

وحرفك يحفر على جدار القلب حبا له

سلم فكرك وحسك ودام بوحك
لاعدمنابداعك
دمت بحفظ الله ورعايته
تقبل مروري

قمــــراي الحـــلـــوة

يسلموو على مرورك المتألق ..
ارتوت صفحتي بعبير حروفك التي أطلقها
قلمك الأثير ... سلمت أياديك يارب

وربي لايحرمني من هالمرور...!!!

ولك أجمل تحياااتي
سيف الشمال